Nkauj Hnub thiab Nraug Hli

Tag kis no, lub hnub xauj wb

Koj tseem pw, los tshav tuaj chwv

Cuag li nws nim paub koj zoo

Nug koj moo thiab nwj koj plhu

Nws suab hu tias “Me Nraug Hli”

Ntsia zoo li kua muag teev yees 

Koj tsis lees los tsis ua cas

Muab xav mas yeej tu siab heev

Lawv tsis kheev, neb tsis sib tau

Yuav tsis dhau neb niam neb txiv

Lawv hais ntxiv tias yuav tsis pub

“Hnub nyob Hnub hos Hli nyob Hli

Yeej yog li, ib txwm yog li

Tso plhuav nthi tsis pub sib yuav

Cia li rhuav txoj kev hlub kiag

Nyias mus nyias, tsis txhob sib ntsia”

Nkauj Hnub thiaj ya kiag saum ntuj

Hli cov txuj tseem tsis tau txaus

Txawm nws caum los caum tsis tau

Tsis hais ntau, tsuas xau li no

Txog kev nco, kuv yeej paub zoo

Yus txoj hmoo los hlub Nraug Hli ces 

yeej zoo li no mog